Kush jemi ne…
E ngritur mbi parimet bazike humanizmit, solidarizimit dhe shërbimit ndaj të gjithëve,
“Fondacioni Freskia” është (N.G.O) kosovare.
U themeluar në vitin 2015, dhe u regjistrua në përputhje me ligjet për O.J.Q-të
e Republikës së Kosovës. Mbanë nr. të regjistrimit: 5200337-7.
Fondacioni drejtohet nga një grup aktivistësh vullnetarë, që si vizion dhe preokupim kanë
mirëqenien e shoqërisë kosovare.
Mbështetjen kryesore e ka nga Institucionet dhe donatorët vendorë, por një mbështetje
e tillë nuk mungon as nga mërgata jonë mbarë shqiptare.
Vizioni:
Fondacioni Freskia vepron me një vizion shumë të qartë.
Është një derë e hapur për të gjithë qytetarët e Republikës së Kosovës, pa dallime etnike,
fetare, gjinore apo racore.
Fondacioni Freskia mëton gjetjen e mënyrave adekuate për përmirësimin e gjendjes
sociale të kategorive me nevoja të veçanta. Preokupimi ynë kryesorë është shkalla e lartë
e papunësisë si dhe gjendja e rëndë socio-ekonomike, prandaj i tërë fokusi ynë është në
përmirësimin e kësaj gjendjeje.
Misioni:
Fondacioni Freskia është një fondacion vendor që synon shtresat më nevoja të veçanta
dhe ato që janë në një gjendje të rënd socio-ekonomike.
Këtë mundohet që ta realizojë përmes implementimit të projekteve dhe aktiviteteve
të ndryshme me karakter humanitar, vullnetarë dhe solidarizues me të tjerët.
Misioni ynë parësorë është të qenit urë-lidhëse në mes të Institucioneve, Organeve
gjegjëse, donatorëve, vullnetmirëve, dhe bamirësve nga njëra anë,si dhe nevojtarëve,
skamnorëve, bonjakëve, të sëmurëve, dhe njerëzve me nevoja të veçanta nga ana tjetër.
E tërë kjo synohet që të arrihet përmes metodave, praktikave dhe efikasitetit sa më të lartë.
Objektivat:
Fondacioni Freskia synon të realizojë objektivat e saja si vijon:
- Ofrimi i strehimit dhe përmirësimi i kushteve të banimit.
- Mbështetje financiare dhe sociale për fëmijët jetim dhe familjarët e tyre.
- Mbështetje me ndihma periodike për familjet në nevojë.
- Ofrimi i mundësive për Nënat Vetushqyese dhe inkuadrimi sa më denjësisht
në shoqëri.
Ndërsa për një mundësi sa më të mirë të realizimit të këtyre objektivave, në kuadër të
Fondacionit Freskia veprojnë tre sektorë të ndryshëm: - Sektori i Jetimëve
- Sektori i Gruas
- Sektori i ndihmave periodike
Projektet:
Fondacioni Freskia tërë punën e saj e ka të mbështetur në projekte të ndryshme me
karakter human. E që përmes implementimit dhe realizimit të këtyre projekteve mundohet
që të realizojë edhe qëllimet e saja.
Projektet e Fondacionit Freskia janë të ndara në katër fusha kryesore:
-Mirëqenie sociale, ku bëjnë pjesë projekte si bursë për jetimët, çanta shkollore,
kulm për të pastrehët, pakoja humanitare, kurbanet, etj.
-Përkujdes shëndetësorë, ku bëjnë pjesë projekte si vizita mjekësore, vizita familjare
rehabilituese, sigurimi i barërave, etj.
-Aftësime profesionale, ku bëjnë pjesë projekte si kurse artizanale, kurse aftësuese,
kurse përgatitore, etj.
-Ndihma periodike, ku bëjnë pjesë projekte si ofrimi i druve për ngrohje, ofrimi i
veshmbathjeve, ofrimi i ndihmave emergjente në rast të ndonjë fatkeqësie natyrore, etj.
Shkarko Katalogun
https://fondacionifreskia.org/wp-content/uploads/2024/01/shqip-14.pdf
